 |
| اعلان ممول,فيس بوك,فيسبوك,اعلان ممول فيس بوك,اعلانات الفيس بوك,اعلان ممول على الفيس بوك,اعلانات,عمل اعلان فيسبوك مجانا,الفيسبوك,عمل اعلان ممول على الفيس بوك,اعلان ممول مجانا,اعلان,اعلانات فيسبوك,عمل اعلان ممول مجانا,الفيس بوك,اعلان فيسبوك 2020 |
إزاي فيسبوك بيعرف أنا بفكر في إيه ويظهرلي إعلان؟
في العصور القديمة كان السحره بيدعوا أنهم عندهم القدرة على قراءة الافكار😳يقف الساحر من دوول قدامك و يبص في عينيك و يقولك انت بتفكر في اي ، بل انه ممكن يقولك بعض المعلومات اللي تعتبر اشياء خاصه و مش معروفة للناس😳 و بالرغم ان الموضوع غالبا بيكون عن العاب اشبه بخفه اليد و خدعه ذهنية و غيرها من الحيل إلا ان قرار قراءه الافكار راجع في عصرنا الحالي بشكل جديد تماما عن شكله المعهود
لكن المره دي مش على هيئة ساحر او بللوه سحرية تقرا افكارك و تقولك المستخبي و المدفون 🤔 مجرد ابلكيشن تطبيق صغير علي موبايلك مجرد ضغطه بسيطه بتسمح له ان ياخد صلاحيات معينه يقدر عن طريقها يعرف كل حاجه عنك تقريبا يقدر يعرف انت بتحب اي و بتكره اي ❤️💔 اي هي اكلتك المفضلة 🍏🍕 اي اللون اللي بتحبه 🚩 اي الاماكن اللي بتحب تزورها و تقعد فيها 🏖 ولو في يوم احتجت حاجه معينة هتلاقيه من نفسه بيعرضها قدامك و بيوقلك اتفضل الحاجه اللي انت عمال تفكر فيها 😎 كتير مننا مروا بالتجربه السابقة كتير مننا بيشوفوا قدامهم اعلانات و عروض بحاجات هما محتاجينها و بيدورا عليها فعلا 👌
يا ترا دا ازاي بيحصل ؟ ازاي الابلكيش بيعرف انا عايز اي و يجبهولي ؟ و هل الموضوع خطير و مقلق ولا ميزه في صالحنا عشان توفر علينا الجهد ؟ اهلا بيكم .. المقالة دي من تأليف أ / عمرو عابدين و المقاله دي من اسئلة نص الليل و هنجاوب على سؤال
ازاي فيسبوك بيعرف أنا بفكر في إيه و يظهرلي إعلان ؟ اكيد في مره من المرات كنت بتتفق مع اصحابك انكم تتقابلوا في يوم و تتغدوا مع بعض في مطعم ما و تقضوا يوم جميل و بمجرد ما تنتهي المحادثة تتفاجأ بأعلان قدامك بيعرضلك عدد من المطاعم و الكافيهات المناسبة للشباب و اللي ممكن تقضي فيها وقت مع صحابك 😋
الاغرب من كدا انك ممكن في مره تانيه تكونوا بتتفقوا انكم تاكلوا حاجه معينة و ليكن برجر علي سبيل المثال وبعدها بدقائق معدودة تلاقي في وشك التالي افضل محلات برجر في القاهرة و وسط البلد .. الحق عرض التوفير علي وجبات البرجر .. محلات الحج عبده برجر بتحييكم و تقولكم هاتوا صحابكم و تعالوا كلوا عندنا و هنعملكم خصم 600% 🤩
وقتها طبعا بتروح تكلم صحابك و تقولهم يلا يجدعان انتوا ولاد حلال سبحان الله بالصدفه البحته لاقيت قدامي عروض كويسه علي محلات البرجر اي رأيكم نروح ناكل في المحل الفلاني عشان عامل تخفيضات كويسه 😉
طبعا حضرتك اللي طيب و الموضوع مفهوش اي مصادفات اطلاقا ، الموضوع متعمد و مقصود و جايلك انت بالذات ، بل ان السيناريوا دا اللي حصل مدروس و بيتبع خطوات علميه محدده عشان يحصل معاك بالصوره دي بالظبط 👌وهنا بيظهر سؤال .. يا ترى اي الحكايه ؟ ازاي الابلكيش عرف انا عايز اي و عرض لي اعلان بالحاجه اللي انا عايزها ؟ الابلكيشن دا في عفريت يعني ولا اي الموضوع ؟🤔
الموضوع ببساطه ان الابلكيشن عرف اللي انت عايزه و عرضلك لييه اعلان ، لان انت اللي قولتله علي الحاجه اللي انت عايزها 😁معظم التطبيقات اللي بنستخدمها بشكل يومي عندها نظام خوارزميات عندها القدرة على تحليل البيانات اللي بياخدها و يحللها و يفهم من خلالها انت عايز اي بالظبط 😏 فيسبوك واحد من اكتر التطبيقات المتميزة في الموضوع دا و الاليات اللي الفيس بوك بيقدر من خلالها يقوم بالعملية دي معتمدة علي عدة عوامل واحده من اهم العوامل دي هي المعلومات اللي بتكتبها في الشات وفي المحادثات الخاصه بيك
يعني فيس بوك عرف من شويه انك عايز تاكل برجر لانك ببساطة كتبت كلمة برجر في الشات بينك وبين صحابك اكتر من مره و الابلكيشن متبرمج بشكل تلقائي انه لو شاف مثيله لبرجر في الشات اكتر من مره يقوم بشكل تلقائي يعرضلك الاعلانات اللي فيها كلمة برجر و دا بهدف ان الاعلانات توصل للاشخاص اللي فعلا محتاجينها وبالتالي الفيس بوك يقدر يستهدف الناس بالاعلانات بشكل ادق و ياخد مبالغ اكتر من المعلنين لما يعلنوا على منصة فيسبوك
طب هل بقا يا ترى الموضوع مقتصر علي الكلام اللي بيتم كتابتة في الشات و بس ولا لا ؟ 🤔 في الحقيقة الاليات المخصته بالموضوع اوسع من كدا بكتييير الـ لايك و الـ لاف اللي بتعمله على بوست و الساد و الـ لانجري اللي بتعملهم على بوست تاني دي كلها حاجات الفيس بوك يقدر يعرف من خلالها انت بتحب اي ❤️ و بتكره اي 💔 التعليقات الخاصه بيك و تعليقات الاصدقاء الموجودين عندك حتى الصفحات اللي انت متابعها و بتشوف منشوراتها بيقدر يعرف من خلالها ميولك و الرغبات الخاصه بيك 😏
يعني لو متابع صفحات كورة كتير و بتابع اخبار المباريات يبقى انت طبيعي شخص بتحب الكورة و بالتالي نبدأ نعرضلك اعلانات خاصة بالكورة و الرياضة⚽️ ولو بنت بتابع صفحات المكياج و الملابس ف دا معناه انها مهتمه بالموضة و الازياء ف نعرضلها اعلانات خاصه بالموضوع دا 👄💄
بل ان الموضوع ممكن ياخد شكل اغرب من كدا كمان .. لو انت واحد من الاشخاص اللي بتتفرج على البوستات الموجودة علي الصفحة عندك بصمت تام من غير ما تعمل اعجاب 👍 او عدم اعجاب👎 و من غير ما تعلق او تشارك او تعمل اي حاجه ، دا مش معناه ان الفيس بوك مش شايفك ولا واخد باله منك بالعكس انت مازلت تحت المراقبه و الفيس بوك قادر يعرف انت بتحب اي و بتكره اي لكن المرادي مش عن طريق اللايك و الشير ، المرادي من خلال الوقت⏰ اللي بتقضيه قدام البوست او الحاجه اللي بتمر قدامك ...
يعني لو اتعرض قدامك صورة خاصه بحاجه معينة او مقال معين و انت قومت عملت Scroll بسرعة و عديت من قدامه بيفهم فيسبوك انك مش مهتم بالحاجه دي🤷♂️ اما بقى لو قابلك صورة او موضوع تاني و وقفت قدامهم فترة طويلة من الوقت و بدأت تقرأ الموجود الفيسبوك بيعرف انك وقفت الفترة الزمنية دي قدام الموضوع وبالتالي دا معناه انك مهتم بالحاجة🤓 دي و دا بيزود احتمالية اننا نعرضلك اعلان خاص بنفس الحاجة 👊
طيب يا عم انا لا هكلم حد شات ولا هفتح الاكونت بتاعى اصلا انا هسيب موبايلي ف جيبي ومش هفتح موبايلي من الاساس 📱 خد يا عم تعالى رايح فين مش انت عندك ميكروفون في الموبايل بتاعك ؟ ايوه عندي 😕 بسيطه احنا بنسمع من خلال الميكروفون الكلام اللي انت بتقوله كتير وبالتالي نقدر نعرف اهتمامتك و نعرضلك من خلالها اعلانات😎 و دا بيحصل بالفعل لو فضلت يوم واحد مفتحتش فيس بوك اصلا و مكلمتش حد علي ماسنجر لكن موبايلك كان متصل بالانترنت ف فيسبوك هيقدر يعرف بسهوله انت مهتم بي اي من خلال المايك 🎙
بعض الكلمات المنصه بتعتبرها كلمة مفتاحية مجرد ما الابلكيشن يسمعها يقدر يحدد فورا انت عايز اي وبعدها يقدر يقارنها بالاعلانات اللي عنده و بمجرد ما تفتح الاكونت بتاعك في اي وقت يعرضلك الاعلانات دي 👊
يعني لو انت قاعد مع صحابك وقولتلهم انا جعان يا شباب تحبوا تاكلوا اي قام واحد منهم رد و قالك ناكل اي حاجه قام واحد تالت رد ناكل كذا و حد رابع قال لا خلينا ناكل كذا 😋 كدا كلمة ناكل اتقالت اكتر من مره وبالتالي عرفنا انكم بتتكلموا عن الاكل و عايزين تاكلوا ف فورا راح محضرلكم اعلان الحج عبده برجر و هنظهره اول ما تفتحوا 👊
طيب يا عم انا لا هفتح بروفايلي ولا هكتب حاجة في الشات ولا هتكلم حتى في موضوع اثناء ما موبايلي موجود في المكان وريني بقى هتعرفوا عنى معلومات ازاي 😎 ثواني خد هنا موبايلك في GBS ؟ طبعا انا موبايلي احدث موديل 😒 طيب يا عم بسيطه احنا من خلال ال GBS دا هنقدر نعرف مكانك طول الوقت بل اننا بنقدر نعرف مكان بيتك و مكان شغلك و الاماكن اللي بتقعد فيها و المحلات اللي بتقف تتفرج قدامها و دا من خلال المده الزمنية اللي بتقضيها في كل مكان من دوول 😜
يعني لو في مكان بتبقى موجود في كل يوم و موبايلك مش بيتحرك يبقى بالمنطق كدا دا بيتك اللي بتنام فيه ولو في مكان بتتواجد فيه يوميا من 8 او 9 صباحا لحد 2 او 5 عصرا يبقى دا على طول مكانك شغلك ، و الاماكن اللي بتقعد فيها في باقي الاوقات يبقى دي اماكن انت بتحبها و مهتم بيها ومن خلال كل البيانات دي نقدر نعرف بيها بيانات عنك و نظهرلك بيها اعلان 👊 ف لو قارنا المكان اللي بتقعد في اسبوعيا ساعة بعد العشاء و اكتشفنا انه مطعم و المطعم دا بيقدم اكله معينة هنعرف بالتبعية انك بتحب النوع دا من الاكل 👌
الحقيقة مفيش مفر اطلاقا من الاليات السابق ذكرها التطبيقات الموجودة علي موبايلاتنا هيكون عندها القدرة دايما انها تجمع بيانات عننا بيعرفوا احنا بنحب اي و بنكره اي و اللي احنا بنقوله دا يا جماعه مش نظرية مؤامرة ولا حاجة شركة فيسبوك و غيرها من الشركات مش مخبيه الكلام دا عن الناس الموضوع معلن للغاية و هما قالولك كدا بنفسهم و حضرتك وافقت 🙂
لما بتحمل اي ابلكيشن بيظهرلك نافذة غالبا بتضغط موافق عليها من غير ما تقرأ اصلا ولا تنتبه للي موجود فيها ، النافذة دي ببساطة بتقولك ان الابلكيشن اللي هتثبته حاليا دا هيكون عنده الصلاحيات على بعض الاشياء منها انه يشوف الصور اللي على تليفونك او جهات الاتصال او يستخدم الكاميرا او يستخدم المايكروفون او يستخدم الجي بي اس و بنضطر في النهاية اننا نوافق علي الشروط دي عشان نقدر نحمل التطبيق و نستخدمه بصورة طبيعية 💁♂️
دا غير ان الفيس بوك اصلا موفر تعليمات بيعرفك من خلالها سياسة الاعلان الخاصه بيهم و تقدر تطلع عليها في اي وقت ، وبيقولوا بكل وضوح ان المستخدم بيأذن ليهم انهم يجمعوا عنه معلومات من خلال المحادثات و المكالمات و تسجيلات الاعجاب و غيرها من الاشياء علشان يقدروا يوفرو له اعلانات متعلقة بالحاجات اللي هو مهتم بيها و محتاجها ...
لكن هما باردوا بيأكدوا ان المعلومات الشخصية اللي زي العمر و الجنس و رقم الهاتف و البريد الالكتروني و الموقع و الاجهزة اللي بتفتح حسابات منها و غيرها من الاشياء المهمه بيكون محافظ عليها في سرية ومش بيشاركها مع اي حد اطلاقا إلا لو انت سمحت بي دا يعني في النهاية تتبعك من الخوارزميات و مراقبتك عشان يتم عرض اعلان ليك بشكل مباشر دي حاجة مش سرية علي الاطلاق 👀
طيب هنا بيظهر سؤال جديد هل الموضوع دا مقلق ولا مجرد حاجة روتينية ملهاش اضرار ؟💁♂️ في الحقيقة الموضوع اشبه بسلاح ذو حدين 🗡 كمية البيانات المهوله اللي التطبيقات عارفاها عننا ممكن تكون مفيده احيانا وممكن تكون مخيفه في احيان تانيه ..
لو بصينا للجانب الايجابي للموضوع ان دا بيسهل علينا حياتنا لو انا عايز اكل برجر دلوقتي هيكون من مصلحتي انه يطلعلي اعلان عن البرجر بجانب ان الذكاء الاصطناعي الموجود في التطبيقات بقى يقدر يعرفنا المناطق اللي فيها ازدحام مروري على سبيل المثال 🚎 او نقدر نعرف حالة الطقس لمدة 10 ايام قدام🏜 و بنعرف مواعيد المطاعم و المولات و الاوقات اللي قافلين فيها او فاتحين فيها⏰
بل انك لو كتبت كلمة معينة في احد محركات البحث🔍 هيبدأ يكملك باقي الجمله اللي انت عايزها تلقائي في الوقت اللي لو شخص تاني كتب نفس الكلمه هتكون التكمله بتاعته مختلفه عن التكمله بتاعتك تماما ..
ف لو انت كتبت كلمة مطاعم في جوجل ممكن يكملك و يجبلك مطاعم اسماك و مأكولات بحرية و غالبا هيكون دا اللي انت عايزه فعلا لكن شخص تاني ممكن يكتب كلمة مطاعم ف محرك بحث جوجل🔍 يبدأ يكملهاله بمطاعم برجر و اكلات سريعه و اللي غالبا هيكون دا اللي عايزه باردو و التوقعات دي كانوا نابعين من البيانات اللي الابلكيشن اخدهم من كل واحد على مدار عمره الموضوع بلا شك مفيد و مبهر للغايه .😍
لكن الجانب السلبي منه ، هل يا ترى الفيسبوك و غيره من التطبيقات يقدروا يعملوا اي بكل البيانات و المعلومات اللي هما عارفينها عننا دي ، هل هتفضل مستغله في الاعلانات و بيع السلع او المنتجات و بس ولا ممكن ف يوم من الايام تاخد مسار تاني اكثر خطورة ويتم استخدامها ضدنا بطريقة او بأخرى ، اكتبوا لنا رأيكم في التعليقات ✍️